XII Akuntansi 4 (D'TINGFONSA)

CERKAK 22 ^_^

Cilikanku

Dening Sysna Setya Prananda

Jenengku Sysna Setya Prananda , biasane konco-koncoku  nyeluk aku Nanda . Saiki aku wis kelas 3 SMK , ning SMKN 1 Ngawi. Aku tinggal ning Deso Jambangan , Kec. Paron Kab. Ngawi.  Ning kene aku ameh nyeritakake pengalamanku sing gak iso tak lalikno pas aku isik sekolah TK .

Aku mlebu sekolah TK tahun 2005 pas umurku wis geneb 5 tahun. Aku sekolah ning TK Dharmawanita Jambangan . Siji-sijine sekolah TK seng ono neng cedak omahku . Mbiyen aku tergolong bocah sing mbelis lan ndablek , ananging aku mbiyen bocah sing paling sregep mlebu  sekolah dibangdingno konco-koncoku. Awal aku mlebu sekolah TK aku mlebu kelas TK B , yaiku kelas kanggo bocah sing isek cilik , sing bakalle sekolah TK 2 tahun. Dino kepisan mlebu sekolah aku isik jaluk diterke lan ditunggoni ibuku , sakwise iku aku wes wani budal sekolah dewe bareng  konco-koncoku . Sakben isuk nik ameh budal sekolah aku, Nana, Vida,Intan kumpul ning omah e Linda ben iso budal sekolah bareng-bareng . Aku lan kanca-kancaku budal sekolah selalu mlaku amergo ugung podo nduwe sepeda .

Pas dino minggu isuk aku lan ibuku mlaku-mlaku menyang  pasar paron , ning sepanjang dalan akeh bocah cilik-cilik sing sepedahan , sepedane apik-apik lan werna-werni . wis sui banget aku pengen nduwe sepeda , nanging aku ora wani omong  ning ibukku . Pas wayah kuwi , tak  wanikne omong neng ibukku.

Aku : “ buk aku tumbasne sepeda koyok ngonokui .” (karo ndundingi bocah-bocah sing lagi numpak sepeda )

Ibuku : “ halah halah.”

Aku : “ endang to buk , aku tumbasne sepeda buk.”

Ibuku : “ Mengko nek koe wis iso nglumpukne bintang 10 tak tumbasne sepeda .” (bintang sing dimaksud yaiku , penghargaan soko guru TK kanggo murid sing aktif lan pinter)

Aku : “ tenan buk .”

Ibuku : “ iyo, makane nik bengi sinau moco nulis ben ning sekolahan oleh bintang.”

Lego lan senenge atiku krungu ibuku janjeni ameh nukokake aku sepeda . Sakwise iku saben bengi aku sregep sinau moco, nulis, nggambar, nyanyi ben oleh bintang pas sekolah . wis gak sabar aku pengen ndang  ditukokake sepeda anyar.sakwise sesasi luweh aku wis berhasil nglumpukno 10 bintang , seneng e atiku langsung aku cepet-cepet aku nemoni ibuku seng lagi lungguh ning ngarep omah .

Aku : “ buk aku wis oleh 10 bintang loo ...”

Ibuku : “ terus kon ngapakke ?.”

Aku : “la jare nik wes oleh 10 bintang ameh di tumbasne sepeda buk”

Ibuku : “ kok jik kelingan wae bocah iki , iyo sesok nik prei sekolah tumbas sepeda ning ngawikaeo ibuk.”

Senenge atiku....

Akhire dino seng tak tunggu-tunggu teko , aku wis ditukoke sepeda anyar sing podo karo opo sing tak pengenni . teko omah aku langsung belajar numpak sepeda, diajari mas ponakanku . suwene seminggunekku belajar  aku luweh prigel anggonku numpak sepeda .sakwise iku sakbendino aku dolanan sepeda wae . aku emoh diajak dolanan karo konco-koncoku koyok biasane , aku malah milih dolanan sepedahan dewe .

Isuk-isuk pas wayah arep budal sekolah aku isik sarapan ning ngarep tv , ibuku nyelukki aku soko ngarep omah .

Ibuku : “ ndukk, ndukk,,,,,.”

Aku : “ dalem buk .”

Ibuku : “ ndang cepet nek maem wis di enteni Vida karo Nana lo! .”

Aku ; “ emoh bukk ..”

Ibuku : “ lo emoh piye to maksudmu ki? Emoh sekolah ?.”

Aku : “ aku budal sekolah dewe emoh bareng koncoku .”

Ibuku : “ Lo piye to bocah iki , ndang dienggo tas’e koncomu wis nungu ning ngarepan .”

( Aku metu soko njero omah karo nuntun sepeda marani konco-koncoku)

Nana : “ lo kok kowe nggowo sepeda , mlaku ae koyok biasane nda .”

Aku : “ emoh , aku arep numpak sepeda oggk..”

Vida : “ la kowe gak bareng awakdewe ? .”

Aku : “ ogak lah aku numpak sepeda okk.. budal o disek aku budal rodok keri kan aku numpak sepeda dadi iso cepet

Mbanjur konco-koncoku ngaleh ninggalke aku karo perasakan pegel ning aku . rakacek suwi  aku pamit ning ibuku lan budal sekolah dewe numpak sepeda . ning ndalan aku petukan konco-koncoku mau , aku disopo konco-koncoku nanging aku ora gelem mengo , malah soyo banter anggonku numpak sepeda . ning dalanan arah sekolahan TKku dalanne rodok elek opo meneh ndek bengi bar keguyur banyu  udan malah soyo jemek ora karu-karuan . Tetep tak lanjutke anggonku numpak sepeda, malah soyo tak banterke tujuanku ben ndang cepet teko sekolah ,teko tengah ndalan ban sepedaku oleng kepetel dalanan sing jemek mau , ilang keseimbanganku olehku numpak sepeda ngakibatke  aku tibo dlosor ning dalanan , klambiku reget gupak endut . pas wayah kui aku nangis lan bingung kudu piye . untung ono konco-koncoku mbanjur aku ditulungi lan diterke mulih.

Iku pengalamanku wayah aku isik cilik seng iseh tek eleng-eleng teko saiki. Cerito oleh sepeda anyar , lan sombong marang konco-koncoku

            Pesan sing iso dijupuk soko cerito neng nduwur yaiku , ojo pernah ngelaleke konco sing  tau ngerasake susah seneng bareng awakmu , pas awakmu wes nduwe sesuatu seng nggawe awakmu luweh unggul dibandingno koncomu .