KADUNG SALAH PAHAM
Dening Shindy Alaida Yahya
Agustinus wis sui pacaran
karo Fransiska Artini. Agus iku wong sing paling sabar ngadepi Fransiska. Saiki
Agus isih kuliah, sawise rampung kuliah, fransiska janji gelem di iring.
Tapi bar di kandhani
Nafsiah putrane pak Waji sing omahe bien cedak agus, Agustinus Jatmiko dadi
anteng wegah omong. Batine lara lan mangkel karo sikape Fransiska Artini sing
keri-keri iki enteng-entengan rana-rene karo wong lanang liyo.
Agus pancen dudu bocah sing gampang cemburuan. Ning
sing ngandani ora mung Nafsiah tok. Dani bakul es ngarep omahe Fransiska yo
kandha.
“Mas
Agus opo wis gak karo mbak Fransiska to?” Dani takon ing Mas Agus
“
Iseh mas. Enten menapa kok sampean takon ngonten?”
Dani mulai cerito ning mas Agustinus
“Mbak Fransiska niku lo mas saniki kerep liwat dalan
niki numpak mobil kalih lare jaler sami njenengan. Mobile nggih sok jib, sok
sedan, mboten mesti. Ning plate mesti H.” Kandhane Dani serius.
“ Napa enggih ta kang?” Agustinus takon karo radak
gak percoyo.
“ Nggih kang, wangsule yo bengi-bengi.”
“Sampeyan empun sumerep ping pinten kang??” Agus
nanjih
“ Wah minggu niki pun wongsal-wangsul kok, mbak
Fransiska nek lenggah nggih mesti teng sopiran jejer.”
Atine Agus awit panas. Apa iyo fransiska ngiyanati
katresnane. Mangka Fransiska wis nate janji, sawise Agus rampung kuliah gelem
diring. Genea saiki kok ngunu?
Apa maneh Bapak Ibune Fransiska yo wis menehi lampu ijo.
Maune kandhane wong-wong kuwi ora digubris. Ning bareng mas dani sing olehe
dodol es ngarep omahe Fransiska kui kandha, banjur ngandel.
Apa
maneh, pirang-pirang kegiatan mudika iki, Fransiska ora tau ketok, rasa
curigane saya ndadi. Yen nyata-nyata cah lanang sing sok nggawe Fransiska metu
nggawa mobil kuwi arep ngrebut pacare, Agus ora bakal gigrik, arep diadhepi
secara jantan. Ala-ala dheweke rak ya tilas pelatih bela diri ing paguyupan
pencak silat merpati putih.
Mula Agus weling mas
Dani, yen wong lanang kuwi ketok ning omahe Fransiska, kon ngandhani aku. Agus
dhasar bocah meneng lan sregep, wektune mung temen-temen kanggo sinau lan
mbantu wong tuwa, uga ngombyongi
kegiatan Mudika.
Sore bubar adus,krungu
hpne muni gage dicandhak. “hallo?? Oh kang dani”. Embuh piye swara saka adoh
kana. Ning praupane agus dadakan malih. Hpne dipateni banjur di sak.
Batine
kebak tandha pitakon. Ngapa kok sing teko mobil gak ana wonge tuwa lanang
wadon? . gek-gek arep ngrembug Fransiska. Pikirane agus mumet lan bingung.
Gek-gek tenan, Fransiska ingkar janji milih cah lanang sing nduwe mobil,
timbang aku sing mahasiswa mlarat.
Wis embuh, niyate arep
mara mbuktekake. Yen tenan, sisan olehe medhot sesambungan ning ngarepe wong
tuwane. Agus dandan rapi, nata ati, senajan wis siap jurus-jurus maute, yen
mengko cah lanang kuwi nganti ngetokake kemakine.
Atine mulai ndredeg, mlebu pekarangan weruh mobil
loro, ngarep lawang tamu akeh sandhal. Nyata kandhane kang Dani, akeh tamu.
Agus
nyedaki lawang sing minep kuwi banjur kula nuwun. Atine ditatag-tatagne. Let
sedhela keprungu kemleseting sikil nyedak lawang lan buka lawang Fransiska
mengo karo nyambut mas Agus.
“ loh mas Agus?”
“Kene tindak mlebu. Kebeneran mas, kabeh mlumpuk,
dadi panjenengan bisa kenalan. Sawise agus mlebu, sing padha lenggah kabeh
ngadeg nyalami kanthi polatan sumringah. Fransiska dewe banjur lungguh njejeri
mas Agus karo kandha,
“ maaf ya mas, sementara aku ra bisa nemoni
jenengan.” Kandhane sawise padha bali lenggah ibune Fransiska ngendika.
“ nak agus, punika mbakyu lan kangmas kula ingkang
wonten semarang, dene cah lanang ndek mau ponakan kulo. Lha sing pertama mau
jenenge waskito, sing keloro jenenge rama. Tujuane penakan kulo mriki ajeng
makaryo ing kantor jalan melati. Tapi rama rung apal karo dalan teng mriki.”
“Pramila Fransiska ingkang karep kadhawuhan dening
rama, waskito mubeng-mubeng ningali wilayah-wilayah ingkang cedak dalan mlati.”
Ngendikane ibu Fransiska cetha.
Atine
agus sing maune gelem-gelem nesu, panas,cemas,cemburu langsung ayem.
Jebul pangirane kleru. Waskito sing sok ngajak
mubeng-mubeng numpak mobil bareng Fransiska bakne isih dulure. Mulo besuk maneh
ojo sok kesusu lan sok sok udzon.
SHINDY ALAIDA YAHYA/09/XII AK4
Tidak ada komentar:
Posting Komentar