XII Akuntansi 4 (D'TINGFONSA)

CERKAK 12 ^_^

SALAH TOMPO

DENING : SILVIA WARDANI PUTRI / 12

            Asyila Almaisya Ramadani bocah 16 tahun kelahiran Ngawi , putra saking bapak Susanto  lan ibu Munifah, sekolah ing Smkn 1 Ngawi . dewek,e ndueni tunggal 3 yaiku mbak lan adike. Mbak e Asyila jenenge fatimah , umur e 2 tahun luwih tuwek  ketimbang deweke ,  Dene adike Asyila jenenge Edo septiano , umur e 6 tahun luwih enom soko Asyila.

             Dino iki Minggu, tanggal 19 sasi 9 tahun 2018 , keluargane Syila terutama Edo kepingin lungo menyang sarangan , nanging ibuk e Syila ndueni rencana dewe arep lungo menyang omah e mbahe seng ono ing kecamatan Ngrambe .isuk-isuk ibune Syila nggugah bapak e

Ibuk                : “ Pak ,pak tangi !....”

Bapak              : (namung obah , pindah posisi)

Ibuk                 : ”oalah Pak, mbokyo ndang tangi , kilo wes bar subuhan , wes jam 5 , opo arep ora subuhan  to?”(karo  mangkel)
Asyila              : “enten nopo to buk,Kok bengak – bengok ?”

Mbak Fatimah : “La nggeh wi ibuk , jane ono opo t kok rame- rame dirungokne tonggone ora patut”

Ibuk                 : “ La iki lo bapakmu di gugah ora gelem ndang tangi, wong yo wes yahmene gek wayah e solat yo durung solat “ .

Bapak              :” wes tangi kilo buk , wong terah yo jek ngelumpokne nyowo disek , ngono kok gak sabaran jek bengak- bengok wae...”

Ibuk                 :” la ngonowi nak di gugah ki mbok yo nyauri ora kok meneng ae , malah molet pindah nggon marai rame wae”.

Asyila              :”Mpon buk,mboten sah dipermasalahke maleh,wong nggeh bapak sampon tangi,”

Bapak              :”Ibukmu  pancen  ngonowi  ndok.....”

Ibuk                 :”weslah mboh kono, kono la adikmu ndang digugah jare arep munggah,”

Asyila              :” Lo , Sios to buk ?.....”

Ibuk                 :”iyo...”

            Krungu kabar soko ibuk e nek sido munggah , Asyilla katon seneng banget , banjur mlaku menyang kamar e adike, karo lunjak-lunjak lan mesem .

Pas Asyila wes teko kamar e Edo , Edo jek kemulan lan durung tangi , padahal mau  ibuk e rame-rame nggunggah bapak,e sak omah langsung tangi ,  nanging bedo karo Edo deweke ora peduli , lan panggah jek turu , mergo deweke seneng turu. Ngerti Edo jek turu Asyila  banjur nyedak edo lan ndemek sikil e karo di ogrek-ogrek

Asyila                          :” Dek ndang tangi , wes bar subuh lo, ndang tangi gek ndang solat , mandi trus sarapan , jare pengen dolan munggah !”

            Krungu Asyila muni ngono Edo banjur semangat lan tangi jegregal , dewek e tanpo kakean omong langsung mlaku menyang jeding lan wudhu , banjur nglakokne kewajibane marang seng neng nduwur , yaiku solat subuh.

            Rampung solat subuh , Edo langsung nyandak andok lan mlayu menyang jeding , amergo moh kedisikan Asyila.  Padahal posisi kui asyila mlaku tumuju jeding ora arep adus, nanging Arep njipok bak cangkingan arep dinggo siram-siram kembang neng ngarepan, Asyila roh polah e Edo banjur ngguyu lan banjur omong neng Edo

Asyila                          :” yuh semangate neh seng arep dituruti budal dolan,...”

Edo                             :”ya iya duong , wong aku lo terah pingin kawet ndek mben mbak.”

Asyila                          :”iyo neh mulo seng manut karo bapak ibuk ben keturutan...” (karo mesem ngguyu)

Edo                             :”siap 45 mbak “ (karo nggebyur banyu ng awake)

            Jam wes nunjuk ne pandom cendek neng ongko 7 , Asyila wes bar adus , mbak Fatiimah jek dandan ono ng kamar, Edo jek jongkatan lan nyepakne barang- barang seng arep di gowo mengko, dene Ibuk lan Bapak enek ing Mejo makan,

Ibuk seng enek neng mejo makan  banjur  nyelok anak-anak e dikon sarapan. Asyila, Fatimah lan Edo moro karo nggowo barang- barang seng arep digowo munggah. Bapak lan ibuk katon bingung nyawang anak-anak e seng wes rapi .

Bapak                          : “ lho arep bodo menyang ngendi kok wes do ayu-ayu  lan bagus-bagus ?”

Ibuk                             :” layo arep bodo neng ndi kok wes podo siap-siap nggawani reno-reno  ? ”

(Asyila,mbak Fatimah lan Edo malih podo-podo bingung lan sawang sinawang)

Edo                             :”la tirose mbak Syila ajeng dolan munggah buk ?”

Asyila                          :”la nggeh buk tirose ajeng minggah ?”

Mbak Fatimah             :” mboh aku jane yo gung paham  maksud e , butuh e manut wong loro kui mau.“

Ibuk                             :”lho wong karep ku ki munggah duduk munggah dolan lo , tapi munggah arep ngendangi mbahmu  ngrambe , duduk neng sarangan,yo ndok le cah bagus..”(karo ngguyu )

Edo                             :”lha pripon to buk , hualah mbak syila ki kok, ngapusi aku ,, tiwas aku kadong semangat seneng!” (karo mrengut)
Asyila                          :”la ibuk sajar e arep munggah ngono kok , tak kiro nggeh munggah dolan seng di pingini dek Edo ndek bengi.”(karo mesem lan kisinan”)

Bapak                          :”Mulakno to buk,  nek omong ki di genahne seng jelas , ben gak enek kedadean salah tompo ngeneki “.
Ibuk                             :”la arep tak genahne syila wes  kadong  ngaleh disek , gek aku yo jek anyel  karo sampean  pak , di gugah gak ndang tangi...”

Mbak Fatimah             :” la trus pripon nak mpon ngenteniki , sios budal dolan nopo nggene mbah e ?”

Edo                             :” Dolan nggeh pak , plisss .... kulo pengen ngertos sarangan pak , rencang-rencang sedoyo sampun mriko.”

Bapak                          :”Yo wis mengko munggah disek , mulih e lagek mampir nggone mbahe “

Edo                             :”Yey,.... matursuwun bapak..”

                        (Asyila ,mbak fatimah lan edo banjur seneng  karo keputusane bapak .)